كليمتين

كليمتين خفاف نظاف على حكاية المغرب الكبير إلّي طلع بيها تراب بوي (الله يرحم والديه). حبّيت لو كان في قهوتنا تلهينا شويّه بالمبادرة هذه خاصة و احنا من سنين واحنا نحلمو بالتعاون ما بينات دول المغرب , و هذا على خاطر من جهة (و هذا رأيي الشخصي أما ظاهرلي موش رأيي وحدي) المشرق و المغرب ما يجمعهم شيء (معناها ما يكسّرلي حدّ البطاطا بحكاية الوحدة العربيّة), و من جهة أخرى على خاطر السّياسات الإقتصادية المشتركة بين دول المغرب باش تفضّ برشة مشاكل (من غير أدنى شك). مالا يا سيدي آش نوّة المانع؟ كان الجماعة خايفين على البترول والغاز والذهب حدّ ما قاللهم إيجاو نقسمو. آما كانهم مسخّنين روسهم بيه فيكفي إنّهم يتفكّرو كيفاش في التسعينات الجزائر وصلت عملت نسبة نمو إقتصادي سلبيّة و بيترولها ما كفّاهاش. الحاصل تو نزيدو نحكيو فيه الموضوع.
الله غالب المبادرة جات في وقت خايب شويّة بالنسبة لينا (و زيدها طرف بخل) تلقى الحكاية تعدّات وكاينّها ما تهمّناش. حبّيت نقول لتراب بوي يا خويا السماح المرّة هذه و المرّة الجاية نوعدك ناقفو معاك :)