السلع
والله شي يخجّج…
عمري ما جهلت كيما اليوم... الخراوات حاشاكم... هاك الكمشة بطالة الي قال شنوا يخدمو قيمين على مكتبة... نحكي على مكتبة كلية 9 افريل الي لزتني المموار باش نولي نمشيلها بما انو مكتبة المعهد متاعي ابن شرف فقري و ما تلقى فيها شي و ما تاخو منها شي و نظن على هاذاكا سماوها مكتبة الجاحظ خاطرالجو فيها و حكاياتو كيف كيف... كان الشحة و الميزيريا.
مكتبة 9 افريل حكاية اخرى... ساعة مالي نبدا داخل يلزمني
Autorisation
و من بعد يبدا تطييح القدر... و التهنتيل... و الكتاب هاذا اطلعلو الفوق و الكتاب لاخر اهبطلو اللوطة... اما هاذاكا.. ما ثماش منو و انتي لي غالط و شدني لا نطيح عليك نفسدلك وجهك.. و اسمع.. ما عندك الحق كان في زوز كتب.. و برا روح اخطانا..
الواحد من هالجميعة كي تكلمو على كتاب... تقولشي عفستلو على كلوتو.. والا ضربتو بحديدة على قصبتو.. يخزرلك خزرة مداونة.. و يمشي يفركس بين الكتب.. يعمل دورة و اثنين.. و يرجعلك يقلك هذا خارج... والا في
Réserve
… والحقيقة هو ساعات ما يكذبش.. ساعات.. خاطر ثمة اساتذة عندهم الحصانة الادبية... ياخذو كتب و ما يرجعوش.
الحاصل بكلهم في هاك المكتبة... موجودين باش يهردوك في شوية القدر الي عندك.. ويفشخولك طرف نفحة... ربي وحدو يعلم منين دبرتها.
انا توا ماشي نرقد... اما موش باش نسكت.
Aucun commentaire:
Enregistrer un commentaire